Саха биатлониһа Николай Максимов Уһук Илиҥҥэ кыһыл көмүс мэтээли ылбыт

Саха биатлониһа Николай Максимов Камчаткаҕа ыытыллыбыт Уһук Илиҥҥи уокурук бастыыр иһин күрэҕэр кыһыл көмүс мэтээли ылбыт. Бу туһунан «Спорт Якутии» иһитиннэрэр.

«Спортсмен биирдиилээн бастыыр иһин күрэххэ утарсааччыларын ситэн, кирбиилэри эрэллээхтик ытта уонна улахан арыттаах бастаата», — диэн этиллэр.

Ону тэҥэ, 15-16 саастаах уолаттарга Саха сириттэн сылдьар Александр Процук үрүҥ көмүс мэтээли ыллбыт. Кыргыттарга Регина Петрова эмиэ үрүҥ көмүс мэтээли ылбыт.

Уһук Илиҥҥи уокурук биатлоҥҥа 15-16 саастаах юниордарга бастыыр иһин күрэҕэ олунньу 8 күнүгэр Петропавловскай-Камчатскайга саҕаламмыт. Бырагыраамаҕа 7,5, 10 уонна 12,5 килэмиэтиргэ сырсыы, 4, 5, 6 уонна 7,5 килэмиэтиргэ спринт уонна эстафета киирэр.