Саха боксера бастакы профессиональнай киирсиитигэр кыайда

Петр Васильев профессиональнай рингэҕэ бастакы киирсиитин кыайыынан саҕалаата. Бу туһунан «Спорт Якутии» иһитиннэрэр.

Киирсии алтынньы 10 күнүгэр Стамбулга буолла. 61,5 киилэҕэ диэри ыйааһыҥҥа Петр Васильев Турцияттан сылдьар Фаруха Хаировы төрдүс рауҥҥа нокауттаан кыайда.

Петр Васильев боксаҕа международнай кылаастаах спорт маастара, Константин Коротков кэриэһигэр «А» кылаастаах норуоттар икки ардыларынааҕы турнир үс төгүллээх кыайыылааҕа. 2014 сыллаахха Колмыкияҕа эдэр ыччакка Россияҕа бастыыр иһин, маны таһынан, Таиланнааҕы «Принц кубогын» уонна Испанияҕа буолбут «Totano elite Boxing event» турнирыгар боруонса призер буолбута.

Санатан эттэххэ, Петр Васильев «ВДВ командующайын кубогар» үрүҥ көмүс призер буолбута.