Саха гимназиятыгар боруобалыыр биир кэлим эксээмэни туттардылар

Боруобалыыр эксээмэн бэс ыйын 29 күнүгэр Саха гимназиятын баазатыгар буолан ааста.

Эксээмэн ыытыллар пуунугар бэлиэлэри туруордулар. Туттарааччылар киириэхтэрин иннинэ температураларын кээмэйдииллэр уонна социальнай арыты тутуһан докумуоннарын бэрэбиэркэлииллэр. Оттон аудиторияларга салгыны ыраастыыр прибордары уонна ыстарар антисептиктары уурдулар.

Эксээмэн туттарааччы температурата 37 кыраадыстан үрдүүр түгэнигэр, кинини бырааска илдьэллэр уонна тута бэрэбиэркэни аһардан баран, эксээмэннии киирэрин-киирбэтин быһаараллар.

Эксээмэннээччилэри зигзаг быһыылаахтык, бэйэ-бэйэлэриттэн 1,5 миэтэрэ тэйиччи олордоллор. Кэбиниэт иһигэр саамай элбээбитэ аҕыс киһи киирэр.