Саха киноматоргафиятын туһунан «Time» сурунаалга ыстатыйа таҕыста

Америка суруналыыстара Саха киинэтин туһунан ыстатыйа таһаардылар. Ыстатыйа сүрүн геройынан Саха режиссера Степан Бурнашев буолбут. Кини кинематографияҕа хайдах кэлбитин туһунан иһитиннэрдэ.

«Биһиги тоҕо Саха сиригэр киинэ устубаппытын дьиктиргээбитим. Мин хаһан да режиссер буолуом дии санаабат этим», — диэн Степан Бурнашев кэпсиир.

Саха киинэлэригэр дьон кытаанах тымныы усулуобуйаҕа күннээҕи олохторо, култууралара көстөр. Киинэлэри былыргы сэһэннэргэ, төрүт кэпсээннэргэ олоҕуран усталлар. Ол иһин саха киинэлэрэ ситиһиилээх буолар диэн режиссер иһитиннэрдэ.

Ыарахан усулуобуйаҕа уонна кыра дохуокка кыһаммакка үгүс саха режиссердара бэйэлэрин дьоллооҕунан ааҕыналларын уонна кинилэр дьиҥнээх, истиҥ киинэ сүгүрүйээччилэрэ буолалларын бэлиэтээтэ.

Ыстатыыйаҕа саха фотограва Алексей Васильев үлэлэрэ киирдилэр.