Саха кыыһа Алена Дмитриева Паралимпиадаҕа кыттарга киирсэр

Саха кыыһа Алена Дмитриева олорон эрэн волейболга Россия сүүмэрдэммит хамаандатын састаабыгар киирсэн, Тульскай уобаласка дьарыктанар. 14 киһи баарыттан 12 спортсмен талыллан, Токиоҕа ыытыллыахтаах Паралимпийскай оонньууга кыттар чиэскэ тиксиэ.

Чуолкай испииһэк бэс ыйыгар бигэргэниэ. Норуоттар икки ардыларынааҕы паралимпийскай кэмитиэт быраабылатынан, аан дойду чемпионатыгар бастаабыт эрэ хамаандалар оонньууларга кыттар бырааптаахтар.

Параволейбол аан дойдутааҕы федерацията олимпийскай квотаны кулун турар 24 күнүгэр диэри тыырыаҕа.