«Саха» НКИХ «Билиҥҥи кэм дьоруойа» аахсыйаны биллэрэр

«Саха» национальнай көрдөрөр-иһитиннэр хампаанньа Саха өрөспүүбүлүкэтин судаарыстыбаннаһын күнүн көрсө «Билиҥҥи кэм дьоруойа» аахсыйаны биллэрэр.

Киэн туттар киһиҥ дьоруойдуу быһыытын эбэтэр оҥорбут үтүөтүн туһунан кэпсиир видеоролигы устан, nvk-news@mail.ru электроннай почтаҕа «Герой нашего времени» бэлиэтээн ыыт. Эбэтэр инстаграм социальнай ситимҥэ @nvksakha, @yk24.ru уонна @tetim_radio аккауннары бэлиэтээн таһаар.

Бастыҥ видео балаҕан ыйын 26 күнүгэр Ил Дархан Айсен Николаев быһа эфирин кэмигэр «НВК Саха» уонна «Якутия 24» ханаалларга көстүөҕэ.

ИРДЭБИЛЭ: Видео сытыары (горизонтальнай) уонна 1 мүнүүтэттэн уһуна суох буолуохтаах. Үлэлэри тутуу болдьоҕо балаҕан ыйын 24 күнүгэр диэри.