«Саха» НКИХ Дмитрий Коркин кэриэһигэр тустуу турнирын быһа эфиргэ көрдөрүө

Алтынньы 11-13 күннэригэр «Саха» НКИХ, «Якутия 24», «Мамонт» ханааллар Дмитрий Коркин кэриэһигэр норуоттар икки ардыларынааҕы XII тустуу турнирын быһа эфиргэ көрдөрүөхтэрэ.

Алтынньы 11 күнүгэр «Мамонт» ханаалга олохтоох бириэмэнэн 10.00 чаастан 14.00 чааска диэри уонна 16.00 чаастан 18.00 чааска диэри быһа эфиргэ турниры көрдөрүөхтэрэ.

Алтынньы 12 күнүгэр «Саха» НКИХ уонна «Якутия 24» ханаалларга 17.00 чаастан 20.00 чааска диэри көстүөҕэ. «Мамонт» ханаалга быһа эфири 10.00 чаастан 15.00 чааска диэри уонна 17.00 чаастан 20.00 чааска диэри көрдөрүөхтэрэ.

Тустуу түмүктүүр түһүмэҕэ алтынньы 13 күнүгэр ыытыллыаҕа, «Саха» НКИХ уонна «Якутия 24» ханааллар 14.00 чаастан 16.00 чааска диэри, ону таһынан «Мамонт» ханаал 14.00 чаастан 16.00 чааска диэри быһа эфиргэ көрдөрүөхтэрэ.

Маны таһынан «Тэтим» араадьыйаҕа эмиэ тустууну быһа эфиргэ кэпсиэхтэрэ: алтынньы 11 күнүгэр — 16.00 чаастан 18.00 чааска диэри, алтынньы 12 күнүгэр — 18.00 чаастан 20.00 чааска диэри, алтынньы 13 күнүгэр — 11.00 чаастан 13.00 чааска диэри уонна 14.00 чаастан 17.00 чааска диэри.

Тустуу турнирын nvk-online.ru, ону таһынан YouTube -ка #КОРКИН2019 хэштегинэн булан кэтиэххэ сөп.

Көҥүл тустуу үтүөлээх тренерэ Дмитрий Коркин кэриэһигэр көҥүл тустууга норуоттар икки ардыларынааҕы XII турнир Дьокуускай куоракка алтынньы 11-13 күннэригэр «Тримф» спортивнай бэлэмнэнии киинигэр ыытыллар.

Турнирга 30 дойдуттан, олор истэригэр Японияттан, АХШ-тан, Ирантан, Грузияттан, Азербайджантан, Турцияттан, Кубаттан уо.д.а. 200-тэн тахса бөҕөс кэлэрэ күүтүллэр,

Саха сирин аатын 65 спортсмен көмүскүө. Сүрүннээн 57, 61, 65 уонна 70 киилэҕэ киирсиэхтэрэ.