Саха оҕолоро остуол тиэниһигэр норуоттар икки ардыларынааҕы турнирга боруонса мэтээллэри ыллылар

Андрей Марков уонна Изот Кривошапкин остуол тиэниһигэр норуоттар икки ардыларынааҕы «Маҥнайгы хараҥаччылар» турнир биирдиилэн разрядыгар боруонса мэтээллэри ылары ситистилэр. Бу туһунан «Спорт Якутии» иһитиннэрдэ.

Күрэхтэһиигэ Санкт-Петербуртан, Ленинград уобалаһыттан, Узбекистан, Молдова, Беларусь уонна Германия куораттарыттан 350-тан тахса спортсмен кытынна.

Күрэхтэһиигэ саастарынан арахсан, 2010-2012, 2008-2009 уонна 2006-2007 сылларга төрөөбүттэр диэн үс бөлөҕүнэн кытыннылар.

Эдэр спортсменнары аны Красноярскай куоракка ыытыллыахтаах дойду турнира күүтэр.

Изот Кривошапкин уонна Андрей Марков 2020 сылга ыытыллыахтаах «Азия оҕолоро» норуоттар икки ардыларынааҕы спортивнай оонньууларга Саха сирин сүүмэрдэммит хамаандатыгар киириэхтэрин сөп.