Саха охчуттара Россия чемпионатыгар кыһыл уонна үрүҥ көмүс мэтээллэри ыллылар

Саха охчуттара Алуштаҕа ыытыллыбыт Россия оҕунан ытыыга чемпионатыгар кыһыл уонна үрүҥ көмүс мэтээллэри ыллылар. Бу туһунан «Триумф» өрөспүүбүлүкэ сүүмэрдэммит хамаандаларын бэлэмниир киин пресс-сулууспата иһитиннэрэр.

Кристина Устинова, Рената Курчатова уонна Валентина Евдокимова састааптаах классическай оҕунан ытыыга өрөспүүбүлүкэ дьахталларга сүүмэрдэммит хамаандата кыайыыны ситистэ.

Ону тэҥэ Степанида Артахинова, Дайана Винокурова уонна Юлия Маркова састааптаах блок оҕунан ытыыга Саха сирин дьахталларга сүүмэрдэммит хамаандата 233:228 ахсааннаах Псков уобалаһын хамаандатыгар баһыйтаран иккис миэстэҕэ таҕыста.