Саха пианиһын туһунан документальнай киинэни Швейцария ханаала уһулла

Сергей Танин диэн Саха сирин пианиһын туһунан документальнай киинэни Швейцария SRF ханаала уһулла. Бу туһунан култуура министиэристибэтэ иһитиннэрэр.

Кини 2018 сыллаахха Цюрихха буолбут Геза Анда аатынан норуоттар икки ардыларынааҕы куонкуруска 3-с бириэмийэни уонна көрөөччүлэр бириистэрин кыайбыта. Швейцария телеханаала Саха сиригэр анаан кэлэ сырытта.

«Режиссер Елена Штели Пфистер оператор Лоран Стопу кытта Сергей дойдута Нерюнгрига сылдьыбыттара. Ол кэннэ Сергей 9 сааһыттан үөрэммит кыһатыгар — Үрдүкү музыка оскуолатыгар тиийэн устубуттара», — диэн иһитиннэриигэ этиллэр.