«Саха сүөһүтэ» тэрилтэ Ньурбатааҕы салаатыгар бастакы ынах төрөөтө

Бүгүн Ньурба улууһун Акана сэлиэнньэтин Чкалов учаастагар үлэлиир «Саха сүөһүтэ» судаарыстыбаннай генофонднай тэрилтэ салаатыгар бастакы ынах төрөөтө. Ньирэйэ — тыһы. Бу туһунан улуус дьаһалтатын пресс-суулууспата иһитиннэрэр.

2020 сыл ахсынньытыгар аһыллыбыт саҥа хотоҥҥо кыстаан турар 50 сүөһүттэн 20-тэ ынах, бары кэриэтэ уулаахтар.

Саха боруода сүөһүтэ өрөспүүбүлүкэ 14 улууһун 20 нэһилиэгэр иитиллэр. Кэлэр сылларга Горнайга, Үөһээ Бүлүүгэ уонна Аммаҕа саҥа хотоннор тутуллаллара былааннанар. 2024 сылга диэри саха сүөһүтүн ахсаана үс тыһыынча төбөҕө тиийиэхтээх, ол иһигэр ыанар ынах ахсаана биир тыһыынча төбөҕө диэри.