Саха сирэ «Бүтүн Россиятааҕы устуоруйа кроссворда» аахсыйаҕа кыттыа

«Бүтүн Россиятааҕы устуоруйа кроссворда» аахсыйа Дьокуускай куоракка тохсунньу 25 күнүгэр ыытыллыаҕа. Бу туһунан Саха өрөспүүбүлүкэтин национальнай библиотекатын пресс-сулууспата иһитиннэрэр.

«Кроссворду сурууйга устуоруйаҕа сыһыаннаах анал билии ирдэммэт, оскуола бырагырааматын билии, булугас өй уонна таабырыннары таайарга баҕа санаа эрэ наада», — диэн аахсыйа тэрийээччилэрэ тиэрдэллэр.

Кроссворд таайыыта биир кэмҥэ Россия хас да куоратыгар ыытыллыаҕа. Аахсыйа ыытыллар быһыытын Москватааҕы судаарыстыбаннай педагогическай үнүбэрситиэткэ толкуйдаатылар, кинилэри дойду түмэллэрэ, библиотекалара уонна үөрэх кыһалара өйөөтүлэр.

Аахсыйа тохсунньу 25 күнүгэр олохтоох бириэмэнэн күнүс 15.00 чааска Дьокуускай куорат Ленин проспегын 40 №-дээх дьиэтигэр (Октябрьскай уулуссатын өттүттэн киирэр аан), 4 этээскэ буолуоҕа.