Саха сирэ дистанционнай үөрэхтээһиҥҥэ көһүү көрдөрүүтүнэн Россияҕа биэс бастыҥ ахсааныгар киирдэ

Коронавирус пандемиятын кэмигэр Россияҕа үөрэх тэрилтэлэрэ дистанционнай үөрэхтээһиҥҥэ көһүүлэрин көрдөрүүтүнэн Саха сирэ биэс бастыҥ өрөгөйүөн  ахсааныгар киирдэ.

«Дойду үрдүнэн, ортотунан, 20 % учуутал дистанционнай көрүҥүнэн үөрэтэри сатыыр буоллаҕына, биһиги өрөспүүбүлүкэбитигэр бу көрдөрүү 60 % тэҥнэһэр», — диэтэ өрөспүүбүлүкэ баһылыга Айсен Николаев «Саха сирэ, иннин диэки!» («Якутия, вперед!») биэриигэ.

Кини этэринэн, дистанционнай көрүҥүнэн билиини биэрии үөрэхтээһин хаачыстыбатыгар охсубата.

«Дистанционнай үөрэхтээһин көмөтүнэн ыраах олорор үөрэнээччи Саха сирин, Россия  бастыҥ учууталларыгар үөрэниэн сөп, онон  өрөспүүбүлүкэҕэ салгыы сайыннарыахха наада», — диэн түмүктээтэ Айсен Николаев.