Саха сирэ инвсетклимат медиарейтинигэр иккис миэстэҕэ таҕыста

Саҥа технологиялары өрө таһаарар стратегическай көҕүлээһиннэр агенстволара быйыл балаҕан ыйынааҕы медиарейтинигэр Саха сирэ иккис миэстэҕэ таҕыста. Бу туһунан ТАСС иһитиннэрэр.

Испииһэги Приморье саҕалыыр, ол кэннэ Саха сирэ, онтон үсүһүнэн Камчатка киирдэ. Ону тэҥэ биэс бастыҥнар истэригэр Сахалин уонна Амур уобаластара бааллар. Регионнар маннык ситиһиилэригэр соторутааҕыта Владивосток куоракка ыытыллыбыт Илиҥҥи экономическай форум дьайда диэн бэлиэтэнэр.

Ол курдук бу улахан тэрээһиҥҥэ инники кэскиллээх суолу тыырыыга Үһук Илин регионнар элбэх суолталаах сөбүлэһиини түһэрсибиттэрэ элбэҕи этэр. Холобура Саха сирэ Илиҥҥи форумҥа 40 млрд солкуобайтан тахса суумалаах 45 дуогабарга илии баттаспыта.