Саха сирэ «Кыайыы түннүгэ» бүтүн Россиятааҕы аахсыйаҕа кыттыһыаҕа

Саха сирин музыканнара уонна муузыканы сэҥээрээччилэрэ Улуу Кыайыы 75-сыллаах үбүлүөйүгэр ананар «Кыайыы түннүгэ» бүтүн Россиятааҕы аахсыйаҕа кыттыһыахтара. Бу туһунан СӨ култуураҕа уонна духуобунай сайдыыга министиэристибэтин пресс-сулууспата иһитиннэрэр.

«Дойду олохтоохторо Аҕа дойду Улуу Кыайыытын 75-сыллаах үбүлүөйүгэр ананар аахсыйаҕа кыттыыны нөҥүө, бэйэлэрин ытык кэриэстэрин тириэрдиэхтэрин сөп. Бу күн бүтүн дойду түннүктэриттэн уонна балконнарыттан Давид Тухманов «Кыайыы күнэ» ырыата толоруллуоҕа. Аахсыйа 12.00 чааска саҕаланыаҕа. Баҕалаахтар бэйэлэрин толорууларын социальнай ситимнэргэ #окнопобеды хэштеги туруоран таһаарыахтарын сөп », — диэн этиллэр.

Филармония духовой оркестра, Музыка үрдүкү оскуолата, Дьокуускайдааҕы музыкальнай колледж уонна Үҥкүү тыйаатырын национальнай оркестра аахсыйаҕа кыттыыны ылары былаанныыллара бэлиэтэнэр.