Саха сирэ Өлүөнэ муостатын тутуу туһунан сөбүлэһиини баттаата

Бүгүн, олунньу 13 күнүгэр, Москваҕа Өлүөнэ өрүһү туоруур муоста тутуутун туҺунан сөбүлэһиини СӨ бырабыыталыстыбата, «Ростех» госкорпорация уонна ВИС бөлөх баттаатылар. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэ.

Тустаах докумуону СӨ экэниэмикэҕэ миниистирэ Майя Данилова, уонна «ВИС» бөхөх дириэктэрдэрин сэбиэтин кыттыылааҕа Сергей Ромашов баттаатылар.

Тэрээһиҥҥэ Ил Дархан Айсен Николаев, «Ростех» судаарыстыбаннай корпорация дириэктэрэ Сергей Чемезов уонна «ВИС» бөлөх дириэктэрдэрин сэбиэтин бэрэссэдээтэлэ Игорь Снегуров кыттыыны ыллылар.

«Өлүөнэ өрүһү туоруур муоста Саха сирин олохтоохторун үйэлээх баҕа санаалара. Бу муоста ерүспүүбүлүкэ Илин Эҥэрин уонна арҕаа өттүн ситимниир салаа эрэ буолбакка, бүтүн Россия таһымыгар — Уһук Илини уонна Арктиканы хааччыйар сүрүн суолталаах ситим буолуоҕа», — диэн Айсен Николаев бэлиэтээтэ.