Саха сирэ ньиэптэн дохуода алмаастан киирэр үбүн куоһарда

2020 сылга өрөспүүбүлүкэ хааһынатыгар киирэр үп саамай элбэх бырыһыана ньиэп бырамыысыланнаһыгар тиксэр. Урукку өттүгэр алмаас хостооһунуттан этэ. Бу туһунан ТАСС иһитиннэрэр.

«Саха сирэ быйыл ыарахаттары көрүстэ. Алмаас хостуур хампаанньалартан үп киирэрэ кыччаата, чуолаан АЛРОСА-ттан. Ону кытта ньиэп-гаас хампаанньаларыттан киирэр үп элбиирин көрөбүт», — диэн бырабыыталыстыба бэрэссэдээтэлэ Владимир Солодов иһитиннэрдэ.

Саха сирин үпкэ миниистирэ Валерий Жондоров дакылаатынан, бүддьүөккэ киирэр үптэн 33,7% -на алмаастан, 38,6% -на ньиэптэн киириэхтээх. Оттон 2019 сылга бу сыыппара 42,4% уонна 29,1% этэ.