Саха сирэ олорор дьиэни үлэҕэ киллэриигэ 31-с миэстэҕэ таҕыста

Саха сирэ Россия регионнарын үрдүнэн 2018 сыл от ыйыттан 2019 сыл бэс ыйыгар диэри дьиэни үлэҕэ киллэриигэ 31-с кэрдиискэ таҕыста. Бу туһунан РИА Новости иһитиннэрдэ.

Ол курдук 2018 сыл от ыйыттан 2019 сыл бэс ыйыгар диэри биир киһиэхэ уопсай иэнтэн 0,472 кв. миэтэрэ тиксэр. Саха сиригэр нэһилиэнньэ дьиэнэн хааччыллыыта (ортотунан биир киһиэхэ олорор дьиэ уопсай иэнэ) биир киһиэхэ — 22,5 кв миэтэрэ.

Бу рейтиҥҥэ Ленинград (1,221) уонна Москва (1,111) уобаластара инники күөҥҥэ сылдьаллар. Испииһэккэ бүтэһик иннинээҕигэ Магадан уобалаһа (0,025) уонна бүтэһик 58-с кэрдиискэ Чукотка автономнай уокуруга (0,024) сылдьаллар.

Аналитиктар этэллэринэн, Россия үрдүнэн сыл аайы 75 мөлүйүөн кв миэтэрэ олорор дьиэ үлэҕэ киирэр.