Саха сирэ үрдүк хамнастаах үлэһиттэрдээх уон эрэгийиэн кэккэтигэр киирдэ

Саха сирин хас онус үлэһитэ ыйга 100 тыһ. солкуобайтан элбэх хамнаһы аахсар диэн «Якутия 24» телеханаал «РИА Новости» саайтка тирэҕирэн иһитиннэрэр.

2019 сылга саамай үрдүк хамнастаах үлэһиттэрдээҕинэн Чукотка, онтон ЯНАУо уонна Москва буоллулар.

Чинчийии түмүгүнэн, үрдүк хамнастаах үлэһиттэрдээх субъектар топ-10 кэккэлэригэр Саха сирэ, Магадан уобалаһа, Ненецкай автономнай уокурук, Сахалин уобалаһа, Ханты-Мансийкай АУо уонна Санкт-Петербург киирдилэр.

«Эрэгийиэннэр рейтиннэрэ ыйга 100 тыһ. солкуобайтан элбэх хамнастаах үлэһиттэр ахсааннарын чинчийии түмүгүнэн оҥоһулунна. Маны кытта 15 тыһ. солкуобайтан кыра хамнастаах үлэһиттэр эмиэ учуоттаннылар», — диэн чинчийии матырыйаалларыгар суруллубут.

Дойду үрдүнэн хамнас орто кээмэйэ 20-ттэн 52 тыһ. солкуобайга тэҥнэһэр.