Саха сирэ үһүс оҕоҕо босуобуйа ананар регионнарын ахсааныгар киирдэ

Премьер-миниистир Михаил Мишустин бигэргэппит 2021 сылга үһүс оҕоҕо босуобуйа ылар регионнар испииһэктэригэр Саха сирэ киирдэ.

Тустаах ыйааҕы бүгүн таһаардылар. Барыта холбоон 75 регион киирдэ.

«Демографическай балаһыанньа мөлтөөбүт уонна төрөөһүн коэфициена 2-ттэн кыра регионнарыгар, ону тэҥэ Уһук Илин, Урал, Сибиир субъектарыгар көмө көрүллэр», — диэн ыйаахха этиллэр.

Бырабыыталыстыбаҕа эппиттэринэн, регионнарга анаммыт эбии үбүлээһин элбэх оҕолоохтору салгыы өйүүргэ кыах биэриэхтээх.