Саха сирэ саамай элбэх быраастаах биэс регион иһигэр киирдэ

Саха сирэ саамай элбэх быраастаах биэс регион иһигэр киирдэ. Бу туһунан РФ Доруобуйа харыстабылын министиэристибэтин порталыгар иһитиннэрдилэр.

Министиэристибэ 2018 сыллаах статистика хомуурунньугар бу дааннайдар киирдилэр.

Докумуоҥҥа этиллэринэн, 10 тыһыынча нэһилиэнньэҕэ быраастарынан хааччыллыыга бастакы миэстэҕэ Чукотскай автономнай уокурук (65,5), иккискэ – Санкт-Петербург (58,2), үһүскэ – Магадан уобалаһа (55,2), төрдүскэ – Хотугу Осетия Өрөспүүбүлүкэтэ (54,2) , бэһискэ Ханты-Мансийскай автономнай уокурукуонна Саха Өрөспүүбүлүкэтэ (51,3) таҕыстылар.

Доруобуйа харыстабылын министиэристибэтэ Курган уобалаһыгар саамай аҕыйах быраас үлэлиир диэн бэлиэтиир (24,2). Ону таһынан испииһэккэ бүтэһик миэстэҕэ Чечен Өрөспүүбүлүкэтэ (26,8), Псковскай уобалас (27,1), Владимирскай уобалас  (27,7) уонна Еврейскэй автономнай уобалас (27,8) сылдьаллар.

Биэдэмистибэ дааннайдарынан, 10 тыһыынча нэһилиэнньэҕэ бырааһынан хааччыллыы ортотунан — 37,4. Статистика көрдөрөрүнэн, дойду үрдүнэн 549 тыһыынча быраас үлэлиир, олортон 390 тыһыынчата – дьахталлар. Тыа сиригэр 54 тыһыынчаттан тахса медик үлэлиир.