Саха сирэ «Точка роста» аһыллыытын бүтүн Россиятааҕы марафонугар кытынна

Саха сирэ «Точка роста» цифровой уонна гуманитарнай хайысхаларын үөрүүлээх аһыллыытын бүтүн Россиятааҕы марафонугар кытынна. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

Кииннэр аһыллыыларын марафона балаҕан ыйын 29 күнүгэр буолла. Өрөспүүбүлүкэ марафоҥҥа Уһук Илиҥҥи федеральнай уокурук аатыттан кытынна.

«Биһиги куораттар, нэһилиэктэр оскуолаларыгар цифровой уонна гуманитарнай хайысхалаах 42 үөрэх киинин астыбыт. Эһиил маннык 75 киини аһыахпыт», — диэтэ Ил Дархан Айсен Николаев.

2020 сылга үөрэх кииннэрин хааччыйыыга бүддьүөттэн 40 мөлүйүөн солкуобай көрүлүннэ.