Саха сирэ уонна «Росатом» бииргэ үлэлээһин туһунан сөбүлэһии туһэристилэр

НВК САХА — Саха сирин Ил Дархана Айсен Николаев уонна «Росатом» корпорация генеральнай дириэктэрэ Алексей Лихачев саҥа РИТМ-200 реакторнай установка базатыгар үлэлиир кыра кыахтаах атомнай электростанциялары тутууга бииргэ үлэлээһиин туһунан сөбүлэһиини баттаатылар.

Сөбүлэһии чэрчитинэн техническэй уонна экэнэмиичэскэй бигэргэтии боппуруостарын бэлэмнээһин, көрдөөһүн үлэтин ыытыы, бырайыак финансовай киэбин оҥоруу уонна кыра кыахтаах атомнай электростанциялар Саха сиригэр тутуллар былаһааккаларын быһаарыы үлэлэрэ оҥоһуллуохтара.

Кыра кыахтаах атомнай электростанциялары тутуу бырайыага нэһилиэнньэни уонна бырамыысыланнас тэрилтэлэрин тоҕоостоох, эрэллээх уонна хаачыстыбалаах уот энергиятынан хааччыйыыга туһаайыллар, ону таһынан өрөспүүбүлүкэ социальнай-экэнэмиичэскэй таһымын үрдэтэр.

Кыра кыахтаах атомнай электростанция чөкө уонна дөбөҥ, тутарга түргэн уонна куттала суох.

«Росатом» корпорация Россия улахан уот энергиятын оҥорон таһаарар сүдү хампаанньаларыттан биирдэстэрэ буолар. Дойду 18,7 %-ын уот энергиятынан хааччыйар.