Саха сиригэр 10 федеральнай уонна региональнай көҕүлээһин олоххо киириэҕэ

Экэниэмикэ министиэристибэтэ 10 региональнай уонна федеральнай бырайыактары олоххо киллэриэҕэ. Бу туһунан Экэниэмикэ министиэристибэтэ иһитиннэрэр.

Нэһилиэнньэ дьарыктаах уонна дохуоттаах буолуутун, экэниэмикэ үрдээһинин сөргүтүүнү хааччыйар былаан хаамыытын экэниэмикэ министиэристибэтин уопсастыбаннай сүбэ мунньаҕар ырыттылар.

«Былаан 2020-2021 сылларга учуоттанна уонна экэниэмикэни сөргүтүү 3 үктэлэ көрүлүннэ: олоҕуруу, сөргүтүү уонна сайдыы. Былаан туолуутун сүрүн көрдөрүүтүнэн 101,6% олоҕурбут дохуокка тахсыы, үлэтэ суох буолуу көрдөрүүтэ 6,9% диэри түһүүтэ, сыл бүтүүтэ өрөспүүбүлүкэ экэниэмикэтин көрдөрүүтэ 3,5% үрдээһинэ буолуоҕа», — диэтэ Экэниэмикэ миниистирин солбуйааччы Василий Десяткин.

Үлэ уопсай национальнай былааҥҥа ыйыллыбыт сайдыы хайысхаларынан ыытыллыаҕа. Федеральнай уонна региональнай бырайыактар олоххо киириэхтэрэ — социальнай казначейство, туһуламмыт харчынан төлөбүрдэр, урбаан сайдыытыгар экосистеманы тэрийии, дьыалабыай климаты уларытыы, тутуу саҥа тэтимэ, биир кэлим облачнай платформа, доруобуйа харыстабылыгар цифровизация, үөрэх саҥа эйгэтэ, технологическай хампаанньалар сайдыыларын экосистемата, субсидия фабриката.