Саха сиригэр 19 оҕо нуучча тылыгар БКЭ-ни 100 баалга туттарда

Нуучча тылыгар БКЭ-ни туттарыы бастакы күнүн түмүгүнэн, 19 оҕо 100 баалга туттарбытын туһунан өрөспүүбүлүкэ Үөрэҕин министиэристибэтэ иһитиннэрэр.  

Верхоянскай, Горнай, Нам, Нерюнгри оройуоннарын оскуолалара, Дьокуускай куорат уонна Республикатааҕы лицей-интернат үөрэнээччилэрэ.

Быйыл эксээмэн икки күн, от ыйын 6 уонна 7 күннэригэр, ыытылынна. Бастакы күҥҥэ БКЭ-ни 199 пууҥҥа 4994 оҕо, оттон от ыйын 7 күнүгэр 13 пууҥҥа 713 оҕо туттарда. Иккис күн туттарбыт оҕолор түмүктэрэ от ыйын 23 күнүттэн уһуо суоҕа.

Эксээмэн түмүгүн www.check.ege.edu.ru порталга эбэтэр БКЭ — ни туттарарга бэлиэтэммит үөрэх кыһатыттан билсиэххэ сөп.