Саха сиригэр 2019 сылга хамнас 4 %-нан үрдээбит

Саха сиригэр 2019 сылга өрөспүүбүлүкэҕэ бүддьүөт эйгэтин үлэһиттэригэр хамнас төлөбүрэ 4 %-нан үрдээбитэ бэлиэтэнэр. Бу туһунан бырабыыталыстыба бэрэссэдээтэлин солбуйааччыта Ольга Балабкина бырабыыталыстыба отчуотун быһа эфиригэр иһитиннэрдэ.

«Судаарыстыба бэйэтин өттүттэн үөрэҕирии, доруобуйа харыстабылын, физическэй култуура уонна социальнай көмүскэл эйгэтигэр бары социальнай мэктиэтин толородо», — диэн Ольга Балабкина бэлиэтээтэ.

Кини этэринэн, өрөспүүбүлүкэ Россия бэрэсидьиэнэ Владимир Путин ыам ыйыгар таһаарбыт ыйааҕын бары соруктарын толордо.