Саха сиригэр 2054 эбийиэк тутуута түмүктэммэккэ турар

2020 сыл саҥатыгар өрөспүүбүлүкэ үрдүнэн тутуута түмүктэммэккэ турар эбийиэк ахсаана 2054 тэҥнэһэр. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

Тутуута түмүктэммэтэх эбийиэктэр уопсай суумалара 33,6 миллиард солкуобайга тэҥнэһэр.

Билиҥҥи туругунан сорох эбийиэк тутуута түмүктэннэ, ол эрээри балансаҕа бэриллэ илик. Сорох эбийиэк тутуута ыытылла турар. сорохтор тутуулара тохтотуллан эбэтэр консервацияланан турар.

Инвентаризация уонна тутуулара түмүктэммэтэх эбийиэктэр ахсаннарын түһүмэҕинэн аччатыы боппуруостарынан ыытыллыбыт сүбэ мунньах кэмигэр өрөспүүбүлүкэ бырабыыталыстыбатын бэрэссэдээтэлин э.т. Андрей Тарасенко министиэристибэлэргэ эбийиэктэр инвентаризацияларын ыытарга уонна этиилэри киллэрэргэ соруйда.