Саха сиригэр 278 киһини клещ ытырбыта билиннэ

Өрөспүүбүлүкэҕэ 278 киһини клещ ытырбыта билиннэ. Бу туһунан Роспотребнадзор дьаһалтатын пресс-сулууспата иһитиннэрэр.

Дьокуускайга — 18, Алдан оройуонугар — 84, Ленскэйгэ — 81, Өлүөхүмэҕэ — 40, Нерюнгри оройуонугар — 25, Үөһээ Бүлүүгэ, Сунтаарга, Ньурбаҕа. Хаҥаласка — биэстии түбэлтэ, Аммаҕа уонна Мирнэйгэ — үстүү, Уус-Майаҕа — 2, Бүлүүгэ уонна Чурапчыга — биирдии. Сэрэтэр тэрээһин ыытылынна, ол иһигэр клещ энцефалитын утары иммуноглобулин бэрилибитэ бэлиэтэнэр.

«Дьыл кэмэ саҕаланыаҕыттан клещ боррелиоһуттан ыалдьыы 4 түбэлтэтэ бэлиэтэннэ, ол иһигэр Нерюнгри оройуонугар үс киирии түбэлтэ уонна биир — Бүлүүгэ», — диэн иһитиннэриигэ этиллэр.

Атырдьах ыйын 10 күнүнээҕи туругунан, 208 клещ лабораторияҕа үөрэтилиннэ. Балартан түөрдэ клещевой энцефалиттааҕа бигэргэннэ. Клещ энцефалитыттан өрөспүүбүлүкэҕэ 2260 киһи быһыы ылбыт, ол иһигэр 502 оҕо.

Дьаһалта этэринэн, 30,7 га иэннээх сиргэ акарициднай эмтээһин оҥоһулунна, ол иһигэр 9,08 га сайыҥҥы сынньалаҥ лааҕырдар сирдэрэ.