Саха сиригэр 40-ча COVID-19 утары быһыы туруорар учаастак тэрилиннэ

Өрөспүүбүлүкэ үрдүнэн коронавирус вируһун утары быһыы туруорар 39 учаастак үлэлиир.

«Тохсунньу 18 күнүн туругунан өрөспүүбүлүкэҕэ 5 242 COVID-19 вируһун утары вакцина кэллэ, барыта 2 474 киһиэхэ быһыы туруорулунна», — диэн өрөспүүбүлүкэтээҕи суһал штаб салайааччытын солбуйааччыта Ольга Балабкина брифинг кэмигэр иһитиннэрэр.

Бүгүҥҥү күҥҥэ Саха сирин 13 улууһугар вакцинация ыытыллар.

Өрөспүүбүлүкэ үрдүнэн уопсайа 39 быһыы туруорар учаастак үлэлиирин бэлиэтээтэ. Сотору кэминэн маассабай вакцинацияҕа ананар доза кэлэрэ күүтүллэр.