Саха сиригэр 444 570 туонна от бэлэмнэннэ

Саха сирин тыатын хаһаайыстыбатын салаата уопсайа 444 570 туонна оту бэлэмнээтэ. Бу туһунан СӨ тыа хаһаайыстыбатын министиэристибэтин пресс-сулууспата иһитиннэрэр.

Оттооһун быйылгы былаана 94,3 %-н туолла. 19 095 туонна сиилэс бэлэмнэннэ, бу былаан 74,7 %-гар тэҥнэһэр. Ону тэҥэ 10 017 туонна сенаж бэлэмнэннэ — былаан 62,2 %-на.

Өрөспүүбүлүкэ кэккэ улуустарыгар сиилэс соҕотуопкатын былаана аһара барда: Сунтаарга 3765 туонна сиилэс бэлэмнэннэ, Хаҥаласка — 2800 туонна, Өлүөхүмэҕэ — 2001,6 туонна, Ньурбаҕа — 2000 туонна, Бүлүүгэ — 1361 туонна, Миирнэйгэ — 2836 туонна уонна Ленскэйгэ — 1496 туонна.

2020 сылга 9308 га иэннээх сиртэн туорахтаах култууралары хомуйуу ирдэнэр: сэлиэһинэй, дьэһимиэн уонна эбиэс.

Бүгүҥҥү күҥҥэ 6371 га иэннээх сир ыраастанна, тыа хаһаайыстыбатын тэрилтэлэрэ былааннаммыт үлэлэр 73 %-рын толордулар.