Саха сиригэр 72 киһи коронавирустаата

Ааспыт сууккаҕа Саха сиригэр эбии 72 киһи коронавирустаата. Бу туһунан вице-премьер Ольга Балабкина иһитиннэрдэ.

«35 киһи Дьокуускайга, 24 киһи Алдаҥҥа Томмоттооҕу психоневрологическай диспансерга, түөртүү киһи Ленскэйгэ уонна Мирнэйгэ ыалдьыбыттар. Икки киһи Тааттаҕа, биирдии киһи Үөһээ Дьааҥыга, Чурапчыга, Нерюнгрига коронавирустаабыттар», — диэтэ кини.

Суукка устата 115 киһи үтүөрбүт. Икки киһи тыына быстыбыт.