Саха сиригэр 76 тыһ дьиэ кэргэн оҕо босуобуйатын ылла

3-16 саастаах оҕолорго бэрэсидьиэн Владимир Путин киллэрбит босуобуйатын Саха сиригэр 76 тыһыынча дьиэ кэргэн ылла. Бу туһунан биэнсийэ пуондатын пресс-сулууспата иһитиннэрэр.

«Бэс ыйын 1 күнүнээҕи туругунан бастакы 76 тыһыынча сайабыллыанньанан төлөбүр оҥоһулунна. Уопсай суумата 1,2 миллиард солкуобай», — диэн иһитиннэриигэ этиллэр. Биэнсийэ пуондатын дааннайынан, Саха сиригэр 180 тыһыынча кэриҥэ дьиэ кэргэн 10 000 солкуобайдаах босуобуйаны ылыан сөп. Босуобуйа 3 сааһыттан 16-гар диэри саастаах оҕолорго көрүллэр. Манна төрөппүт төһө дохуоттааҕа аахсыллыбат.