Саха сиригэр ааспыт сууккаҕа 191 киһи коронавирустаабыт

Өрөспүүбүлүкэҕэ ааспыт сууккаҕа эбии 191 киһи коронавирустаабыт. Бу туһунан өрөспүүбүлүкэтээҕи суһал штаб салайааччытын солбуйааччыта Ольга Балабкина Telegram ханаала иһитиннэрэр.

Дьокуускайга 116 саҥа түбэлтэ бэлиэтэммит, Миирнэйгэ — тоҕус, Чурапчыга — аҕыс, Тааттаҕа — алта, Уус Алдаҥҥа, Алдаҥҥа, Үөһээ Халымаҕа, Нерюнгригэ — түөрттүү, Үөһээ Бүлүүгэ, Бүлүүгэ, Намҥа, Орто Халымаҕа — үстүү, Аллайыахаҕа, Аммаҕа, Үөһээ Дьааҥыга, Өлөөҥҥө, Эбэн Бытантайга, Булуҥҥа, Кэбээйигэ, Ленскэйгэ, Мэҥэ Хаҥаласка, Аллараа Халымаҕа, Ньурбаҕа, Өймөкөөҥҥө, Өлүөхүмэҕэ Уус Майаҕа биирдии киһи коронавирустаабыт.

Суукка иһигэр өрөспүүбүлүкэ лабораториялара 2 888 коронавируска аналиһы чинчийбиттэр. Пандемия саҕаланыаҕыттан уопсайа 1 458 171 тест чинчийиллибит.