Саха сиригэр ааспыт сууккаҕа 253 киһи коронавирустаабыт

Өрөспүүбүлүкэҕэ ааспыт сууккаҕа эбии 253 киһи коронавирустаабыт. Бу туһунан өрөспүүбүлүкэтээҕи суһал штаб иһитиннэрэр.

Ол курдук, Дьокуускайга 107 саҥа түбэлтэ бэлиэтэммит, Нерюнгригэ — 23, Миирнэйгэ — 22, Мэҥэ Хаҥаласка — 19, Хаҥаласка — 14, Алдаҥҥа — 13.

Аммаҕа, Ленскэйгэ — аҕыстыы, Ньурбаҕа, Сунтаарга, Тааттаҕа — сэттэлии, Өлүөхүмэҕэ — биэс, Эдьигээҥҥэ, Намҥа — үстүү, Томпоҕо — икки.

Чурапчыга, Уус Алдаҥҥа, Аллараа Халымаҕа, Горнайга, Бүлүүгэ биирдии киһи коронавирустаабыт.