Саха сиригэр ааспыт сууккаҕа 28 киһи коронавирустаабыт

Ааспыт сууккаҕа Саха сиригэр эбии 28 киһи коронавирустаабыт.

Бу туһунан бүгүн, муус устар 8 күнүгэр өрөспүүбүлүкэтээҕи суһал штаб иһитиннэрдэ.

Дьокуускайга 15 киһи коронавируһунан ыалдьыбыта бэлиэтэннэ, Миирнэйгэ — үс, Нерюнгрига, Тааттаҕа, Чурапчыга — иккилии киһи.

Алдаҥҥа, Мэҥэ Хаҥаласка, Томпоҕо уонна Хаҥаласка биирдии киһи COVID-19-нан ыалдьыбыт.

Суукка иһигэр өрөспүүбүлүкэ лабораторияларыгар коронавируска 1666 чинчийии, пандемия саҕаланыаҕыттан уопсайа 1 020 143 тест оҥоһулунна.