Саха сиригэр ааспыт сууккаҕа 56 киһи коронавирустаата

Ааспыт сууккаҕа өрөспүүбүлүкэҕэ 56 киһи коронавируһунан ыарыйда. Бу туһунан өрөспүүбүлүкэтээҕи суһал штаб салайааччытын солбуйааччы Ольга Балабкина, атырдьах ыйын 12 күнүнээҕи, брифинигэр иһитиннэрдэ.

Дьокуускайга — 43, маны таһынан, Мэҥэ-Хаҥалас, Нам, Сунтаар, Чурапчы улуустарыгар, Мирнэй, Нерюнгри оройуоннарыгар ыалдьыы түбэлтэтэ таҕыста.

Ыалдьыбыт дьон балыыһаҕа киирдэ, алтыспыт дьон изоляцияланна. Сууккаҕа уопсайа 2 916 коронавируска тест оҥоһулунна.