Саха сиригэр Африка устудьуона элбиэҕэ

НВК САХА — Хотугулуу-Илиҥҥи федеральнай университекка Африка дойдуларыттан 17 устудьуон үөрэнэ киирээри бэлэмнэнэр. Бу туһунан ХИФУ пресс-сулууспата иһитиннэрэр.

Билигин университекка Бурундиттан, Египеттан, Камерунтан, Сомалиттан, Зимбаветтан, Кот-д,Ивуартан, Намибияттан, онтон да атын дойдулартан отутча устудьуон үөрэнэр.

«Африка устудьуоннара сүрүннээн медицинскэй хайысхаҕа киирэллэр. Мединститукка 34 африканец үөрэнэр», – диэн норуоттар икки ардыларынааҕы сыһыаҥҥа отделга этэллэр.

Соторутааҕыта Сочига буолбут «Россия – Африка» саммитка бэрэсидьиэн Владимир Путин Африка устудьуоннарын элбэтэргэ бэлэмин биллэрбитэ.