Саха сиригэр Арктиканы чинчийии баазата тэриллиэҕэ

Өрөспүүбүлүкэ Арктикатын Өлүөнэтээҕи бөлөх улуустарыгар Арктика сирин-уотун научнай чинчийии фундаментальнай баазатын тэрийиэхтэрэ. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

Маны таһынан Тикситээҕи муора пуордун баазатыгар байыаннай инфраструктуураны уонна Хотугу муора суолун сайыннарыы тирэх пууна тэриллиэҕэ. Алмаас уонна көмүс хостооһунун үлэтэ салҕаныаҕа, углеводороднай баайдаах сирдэри арыйарга геологическай чинчийэр үлэлэр былааннаналлар.

Ранее телеканал «Якутия 24» передавал, что в регионе утвердили стратегию развития Арктической зоны до 2035 года.

Санатар буоллахха, өрөспүүбүлүкэҕэ 2035 сылга диэри Арктика сирин-уотун сайыннарыы стратегическай былаана бигэргэннэ.

Арктика социальнай-экономическэй сайыдыыта биэс хайысханан ыытыллыаҕа: социальнай, бырамыысыланнай, транзитнай, экологическэй уонна инновационнай.

Докумуоҥҥа Саха сирин арктикатааҕы улуустара өрүстэр тардыыларынан бөлөхтөргө араарылыннылар — Анаабырдааҕы, Өлүөнэтээҕи, Дьааҥытааҕы, Индигирдээҕи уонна Халыматааҕы. Хас биирдии бөлөххө туспа сайдыы сүһүөхтэрэ ыйылыннылар.