Саха сиригэр бөрө субсидиятыгар сайаапкалары тутуу саҕаланна

Тохсунньу 18 күнүттэн олуньу 1 күнүгэр диэри бөрө тириитин тутууга субсидиялары ылыыга сайаапкалары тутуу саҕаланна.

Экология министиэристибэтэ үбү ылааччылары сүүмэрдээһини ыытыы туһунан иһитиннэрэринэн, 2020 сыл алтынньыттан 2021 сыл тохсунньутугар диэри бөрө ахсаанын бэрээдэктиир сыаллаах бултаммыт тириини миэстэтигэр тутууну тэрийээччилэр бу субсидияны ылыахтарын сөп.

Манна даҕатан эттэххэ, талыы ирдэбилинэн субсидия ылааччы түүлээҕи таҥастыыр бырамыысыланнай оборудованиелаах буолуохтаах.

Улахан бөрө тириитин иһин 20 тыһыынча солкуобай көрүллэр, оҕотугар — биэс тыһыынча солкуобай.

Сайаапкалары Дьокуускай куорат Курашова уулуссатын 30/1 №-дээх дьиэтэ, 203-с кэбиниэт, үлэ күнүгэр 9.00 — 18.00 чааска биэриэххэ сөп.

Инники этиллибитинэн, бүтэһик уон сыл иһигэр өрөспүүбүлүкэҕэ бөрө ахсаана ортотунан 3,5 тыһыынчаҕа тэҥнэһэр.