Саха сиригэр баһаарга киһи өлүүтэ 70 % аччаата

2020 сылга өрөспүүбүлүкэҕэ аҕыс ый иһигэр баһаарага 10 киһи олоҕо былдьанна, бу былырыыҥҥы көрдөрүүттэн 70,6 %-нан аччаата. Бу туһунан Саха сиринээ5и куттала суох буолууну хааччыйар судаарыстыбаннай кэмитиэт пресс-сулууспата иһитиннэрэр.

Дьаһалта көрдөрүүтүнэн, ыйыллыбыт отчуоттуур кэмҥэ 692 баһаар бэлиэтэммит. Бу былырыыҥҥы көрдөрүүттэн 2,9 %-нан намтаабыт (713). Материальнай хоромньу 15,22 мөлүйүөн солкуобайга тэҥнэһэр — 2019 сыллааҕы көрдөрүүттэн 51,2 %-нан намтаабыт.

«Баһаарга 10 киһи олоҕо былдьанна, бу былырыыҥҥы көрдөрүүттэн 70,6 %-нан аччаабыта бэлиэтэнэр. 13 киһи эчэйдэ, бу 2019 сыллааҕы көрдөрүүттэн 23,5 %-нан кыра. Уоттан 10 киһи быыһанна, 72 киһи эвакуацияланна», — диэн иһитиннэриигэ этиллэр.

Олохторо баһаартан былдьаммыт дьонтон 30 %-ра нэһилиэнньэ социальнай көмүскэлэ суох араҥатыгар киирэр (оҕолор, бастакы группалаах инбэлииттэр). Маны таһынан итирик туруктаах сылдьыы түмүгэр, үс киһи тыына быһынна.

267 баһаар олорор дьиэлэргэ таҕыста. Бу уопсай көрдөрүүттэн 38 %-ҥа тэҥнэһэр.

Умайыы биричиинэлэринэн буолаллар: оһоҕу туруоруу, туттуу быраабылатын кэһии — 82 баһаар, электрическэй оборудованиены туттуу быраабылатын кэһии — 104 баһаар, уотунан сэрэҕэ суох туттуу — 259 баһаар.