Саха сиригэр булт көҥүлүн сэрэбиэйэ ыытыллар

Бүгүн, атырдьах ыйын 2 күнүгэр өрөспүүбүлүкэ үрдүнэн хааччахтаммыт булт көрүҥнэриннэригэр көҥүл ылыы сэрэбиэйэ ыытыллар. Бу туһунан СӨ экологияҕа министиэристибэтин пресс-сулууспата иһитиннэрэр.

Көҥүл үллэриитэ түбэһиэх сыыппаралар генератордарын көмөтүнэн ыытыллар. Жеребьевка онлайн-трансляцията биэдэмистибэ официальнай сайтыгар ыытыллар. Манна хотугу дьиикэй таба уонна киис бултааһынын көҥүлэ кыттыспат.

Хас биирдии лот түмүгэ Экология министиэристибэтин сайтыгар тахсыаҕа. Түмүк иһитиннэрии биир үлэ күнүн иһигэр хас биирдии кыттааччыга өрөспүүбүлүкэтээҕи судаарыстыбаннай уонна муниципальнай өҥөлөр порталларыгар баар тус кэбиниэт нөҥүө ыытыллыаҕа. Кытааччы порталга регистрацияламматах буоллаҕына, биэс күн иһигэр ыйыллыбыт көрүҥүнэн ыытыллыаҕа.

Сэрэбиэй таппыт дьон судаарыстыбаннай өҥөлөр порталларын нөҥүө бултааһыҥҥа көҥүл ылыыга сайабылыанньа биэрэн баран, 2020 сыл атырдьах ыйын 3 күнүттэн 31 күнүгэр диэри хантан уонна хаска кэлэн ылалларын ыйаллар.

Сэрэбиэйгэ кыттыыга уопсайа 13 134 сайабылыанньа киирбитэ бэлиэтэнэн. Сайабылыанньалар испииһэктэрэ уонна жеребьевка хамыыһыйатын састааба министиэристибэ сайтыгар таһаарылынна.