Саха сиригэр чэпчэки бырамыысаланнас салаата тэриллэрэ былааннанар

Өрөспүүбүлүкэҕэ чэпчэки бырамыысаланнас салаата тэриллэрэ былааннанар. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

«Салаа икки сүрүн хайысханан сайдара сабаҕаланар: тэрилтэлэр ахсааннарын элбэтии уонна олохтоох оҥорон таһаарааччылар бородууксуйаларын өрөспүүбүлүкэ иһигэр уонна тас дойдуларга тарҕатыы», — диэн иһитиннэриигэ этиллэр.

Маны таһынан, кластер кыттыылаахтара бородууксуйаны сертификаттааһын, маркетинговай чинчийии, Россия быыстапкаларыгар кыттыы тэрээһинин быһыытынан судаарыстыбаннай өйөбүлү ылыахтарын сөп,

Санатан эттэххэ, чэпчэки бырамыысаланнас тэрилтэлэригэр, лизинг дуогабарынан ылыллыбыт оборудованиеҕа 50 % чэпчэтии көрүллүөхтээҕин туһунан уураахха Россия премьер-миниистирэ Михаил Мишустин илии баттаабыта. Өйөбүл миэрэтин, оҥорон таһаарыыны саҥардыыга туһуламмыт инвестиционнай бырайыагы олоххо киллэрэр хампаанньалар туһанар кыахтаахатар.