Саха сиригэр дистанционнай үөрэхтээһин платформата оҥоһуллуоҕа

Дистанционнай үөрэхтээһини тэрийиигэ саҥа цифровой платформата өрөспүүбүлүкэ хас да улууһугар бэрэбиэркэни ааһар.

«Быйыл Саха сирин хампаанньатын кытта цифровой платформа пилотнай бырайыага оҥоһулунна. Бырайыак Чурапчы, Горнай уонна Мэҥэ Хаҥалас улуустарыгар бэрэбиэркэни ааһар», — диэтэ СӨ Үөрэҕин уонна наукатын миниистирэ Михаил Сивцев социальнай ситиминэн быһа эфир кэмигэр.

Миниистир этэринэн, платформа көмөтүнэн уһуйааччылар видеоматырыйааллары үөрэтиини хонтуруоллуур буолуохтара.

«Учууталлар бэйэлэрин уруоктарын тус кэбиниэт нөҥүө үөрэнээччилэригэр анаан ыытахтарын сөп. Видеолиэксийэлэр оскуолаҕа ыытыллар көннөрү уруоктарга майгынныыр буолуохтара. Видеоматырыйааллар уруок тиэмэнэн үөрэтэр былаанынан оҥоһуллуохтара. Уһуйааччыга видеоурогу ким, төһө улаатыннаран истэ-көрө олороро көстөр буолуоҕа. Учуутал маннык ньыманан бэрэбиэркэлиир үлэлэри ыытан сөп», — диэтэ миниистир.

Михаил Сивцев этэринэн, бырайыагы бэрэбиэркэлииргэ эбии үөрэхтээһин матырыйаалларынан пилотнай видеоуруоктар оҥоһуллубуттара.