Саха сиригэр эбии 134 киһи коронавирустаата

Ааспыт сууккаҕа Саха сиригэр эбии 134 киһи коронавирустаата. Бу туһунан өрөспүүбүлүкэтээҕи суһал штаб иһитиннэрэр.

Дьокуускайга 87 саҥа түбэлтэ бэлиэтэннэ, Булуҥҥа, Эдьигээҥҥэ, Миирнэйгэ уонна Уус Алдаҥҥа — түөртүү, Алдаҥҥа, Горнайга, Өймөкөөҥҥө уонна Сунтаарга — үстүү, Аммаҕа, Томпоҕо, Үөһээ Бүлүүгэ — иккилии. Аллайыахаҕа, Үөһээ Халымаҕа, Дьааҥыга, Нерюнгригэ, Өлүөхүмэҕэ, Өлөөҥҥө, Хаҥаласка — биирдии киһи ыарыйда.

Икки коронавирустаах киһи тыына быһынна.

Суукка иһигэр өрөспүүбүлүкэ лабораториялара 5 388 коронавируска аналиһы чинчийдилэр. Пандемия саҕаланыаҕыттан уопсайа 555 365 тест чинчийилиннэ.