Саха сиригэр эбии 135 киһи коронавирустаата

Бүтэһик сууккаҕа Саха сиригэр эбии 135 киһи коронавирустаата. Бу туһунан өрөспүүбүлүкэтээҕи суһал штаб иһитиннэрэр.

Дьокуускайга 88 саҥа түбэлтэ бэлиэтэннэ, Үөһээ Бүлүүгэ — алта, Алдаҥҥа — биэс. Аллайыахаҕа, Өлүөхүмэҕэ, Уус Алдаҥҥа — түөртүү, Аммаҕа, Миирнэйгэ, Сунтаарга — үстүү, Булуҥҥа, Нерюнгригэ, Ньурбаҕа, Өймөкөөҥҥө, Чурапчыга — иккилии. Бүлүүгэ, Мэҥэ Хаҥаласка, Тааттаҕа, Усуйаанаҕа уонна Хаҥаласка — биирдии киһи коронавирустаабыта бэлиэтэннэ.

Бүтэһик суукка иһигэр өрөспүүбүлүкэ лабораториялара уопсайа 5513 СOVID–19 вируска аналиһы чинчийдилэр. Пандемия саҕаланыаҕыттан уопсайа 560 878 коронавируска тест чинчийилиннэ.