Саха сиригэр эбии 219 киһи коронавирустаата

Ааспыт сууккаҕа өрөспүүбүлүкэҕэ эбии 219 киһи коронавирустаата. Бу туһунан суһал штаб иһитиннэрэр.

«Сэтинньи 22 күнүгэр 219 киһи эбии COVID-19 ыарыйда, ол иһигэр саҥа коронавирустаабыт 51 киһи», — диэн иһитиннэриигэ этиллэр.

Ол иһигэр Дьокуускайга 118 ыалдьыбыт киһи уонна 25 вируһу илдьэ сылдьааччы.

Миирнэйгэ уонна Нерюнгрига — тоҕустуу, Алдаҥҥа, Мэҥэ Хаҥаласка, Ньурбаҕа уонна Сунтаарга — алталыы киһи, Бүлүүгэ, Өлөөҥҥө уонна Уус Майаҕа — биэстии киһи ыарыйда.

Үөһээ Дьааҥыга, Кэбээйигэ, Өймөкөөҥҥө уонна Өлүөхүмэҕэ — түөртүү, Аммаҕа, Үөһээ Бүлүүгэ, Горнайга уонна Ленскэйгэ — үстүү, Эдьигээҥҥэ, Намҥа. УВус Алдаҥҥа уонна Чурапчыга — иккилии киһи ыалдьыбыта бэлиэтэннэ.

Биирдии киһи Аллайыахаҕа, Анаабырга, Булуҥҥа, Үөһээ Халымаҕа, Аллараа Халымаҕа, Тааттаҕа, Томпоҕо уонна Усуйаанаҕа ыарыйда.

Суукка иһигэр коронавирустаабыт икки киһи тыына быһынна.