Саха сиригэр эбии 45 киһи коронавирустаата

Ааспыт сууккаҕа өрөспүүбүлүкэ үрдүнэн эбии 45 киһи коронавирустаата. Бу туһунан Ил Дархан Айсен Николаев бүгүн, бэс ыйын 30 күнүгэр эпидемиологическэй балаһыанньа туһунан брифинг кэмигэр иһитиннэрдэ.

«34 саҥа түбэлтэ Дьокуускайга бэлиэтэннэ, Мэҥэ Хаҥаласка — биэс, Хаҥаласка — түөрт, Нерюнгригэ уонна Анаабырга — биирдии», – диэн Ил Дархан эттэ.

Пандемия саҕаланыаҕыттан Саха сиригэр уопсайа 4223 киһи коронавирустаата, 3440 киһи эмтэннэ, 33 киһи суорума суолланна.

Бүгүҥҥү күҥҥэ 34 ыарыһах туруга ыараханынан сыаналанар.