Саха сиригэр эбии 45 киһи коронавирустаата

Бүтэһик сууккаҕа Саха сиригэр эбии 45 киһи коронавируһунан ыалдьыбыта бигэргэннэ. Бу туһунан бүгүн, ыам ыйын 19 күнүгэр Ил Дархан Айсен Николаев өрөспүүбүлүкэҕэ олохтоммут эпидемиологическэй балаһыанньа боппуруостарынан брифинг кэмигэр иһитиннэрдэ.

Дьокуускай куоракка эбии 34 киһи коронавирус инфекциятынан сутуллубута билиннэ, Алдаҥҥа — үс, Өймөкөөҥҥө — үс, Намҥа — түөрт, Хаҥаласка — биир.

Бу кэм устата өрөспүүбүлүкэ үрдүнэн уопсайа 914 коронавируһунан ыалдьыы түбэлтэтэ бэлиэтэннэ, 305 киһи толору эмтэннэ, алта киһи суорума суолланна.