Саха сиригэр эбии 53 киһи коронавирустаата

Ааспыт сууккаҕа Саха сиригэр эбии 53 киһи коронавируһунан сутуллубута бигэргэннэ. Бу туһунан өрөспүүбүлүкэтээҕи суһал штаб иһитиннэрэр.

«39 саҥа түбэлтэ Дьокуускайга бэлиэтэннэ, биэс — Нерюнгригэ, түөрт — Алдаҥҥа, икки — Хаҥаласка. Бүлүүгэ, Үөһээ Бүлүүгэ уонна Уус Алдаҥҥа — биирдии», – диэн этиллэр.

Пандемия саҕаланыаҕыттан өрөспүүбүлүкэ үрдүнэн уопсайа 4128 киһи коронавирустаата. 3187 киһи үтүөрдэ. 31 киһи тыына быһынна.

Бүгүҥҥү күҥҥэ 34 ыарыһах туруга ыараханынан сыаналанар.