Саха сиригэр эбии 56 киһи коронавирустаата

Ааспыт сууккаҕа Саха сиригэр эбии 56 киһи коронавируһунан ыалдьыбыта бигэргэннэ. Бу туһунан бүгүн, атырдьах ыйын 7 күнүгэр Ил Дархан Айсен Николаев брифинг кэмигэр иһитиннэрдэ.

Дьокуускай куоракка ыалдьыбыт дьон ахсаана 46 киһиэхэ тэҥнэстэ. Үөһээ Бүлүүгэ, Мэҥэ Хаҥаласка, Намҥа уонна Ньурбаҕа иккилии саҥа түбэлтэ бэлиэтэннэ, Тааттаҕа уонна Нерюнгригэ — биирдии.

Бүтэһик сууккаҕа биир киһи тыына быһынна.

Пандемия саҕаланыаҕыттан өрөспүүбүлүкэ лабораториялара 321 295 коронавирус аналиһын чинчийиитин ыыттылар.